"Тәуелсіз қазақ елі" шығарма байқауы

«Тәуелсіз қазақ елі» аудандық шығарма байқауына 8-сынып оқушысы Нурлахметова Дананың жазған өлеңі.

Тәуелсіз қазақ елі.

Тәуелсіз елім мақтаным,

Жарқырайды ақ таңым.

Жетістігіне мақтанып,

Шырқайтын бүгін шақтамын.

Бар жағдайды жасады,

Бізге ерекше Елбасы.

Өзгеше бізге ұнап тұр,

Білім беру жобасы.

Жиырма алты жылдың ішінде,

Тәуелсіз елім шарықтап.

Жетістікпен биіктеп,

Көгімде тұр туым қалықтап.

Қазақпын деп мақтанам,

Сырымды айтып ақтарам.

Үйренем , білем десем мен ,

Беріліп тұр бақ маған.

Ана тілім айбыным,

Тілім жарық ай-күнім.

Болашақ жастар арқылы ,

Желбірейді көк туың.

Күш беретін бойыма,

Егемендігім  қайратым.

Құрметтейтін өзгелер,

Тәуелсіздігім  айбатым.

Ардақтайтын бар елің,

Қазағым менің  қымбатым.

Өркендеп өсіп жасай бер!

Құлпырып сенің сымбатың.